Şriftin ölçüsü :

Saytın rəngi :

Səhiyyə

Şəmkir Rayon  Mərkəzi  Xəstəxanası  1985-ci ildən istifadəyə  verilib.

Hal- hazırda rayonda  4 şəhər  xəstəxanası (Mərkəzi  Xəstəxana, Uşaq Xəstəxanası, Doğum Evi, Ağ-Ciyər  Xəstəlikləri  Xəstəxanası) Təcili  Təxirəsalınmaz Tibbi  Yardım Stansiyası, Tam Təsərrüfat  Hesablı Stomotoloji  Poliklinika, Gigiyena və Epidemiologiya  Mərkəzi, Rayonlararası Taun  Əleyhinə şöbə, 3 qəsəbə  Xəstəxanası, (Kür qəsəbə, Zəyəm qəsəbə, Çinarlı  qəsəbə). 4 kənd  xəstəxanası (Alabaşlı, Dəllər Cəyir, Düyərli, Çənlibel). 
Bunlarla yanaşı 32 həkim  məntəqəsi, 27 tibb  məntəqəsi  fəaliyyət  göstərir. Hal-hazırda rayonda 549 ədəd  stasionar çarpayı fəaliyyət  göstərir. Xəstəxanada 2493 tibb işçisi  çalışır, 336 həkim , 1024 orta  tibb işçisidir.

Eyni zamanda 13 dekabr 2014-cü il tarixində Şəmkir Rayon İcra Hakimiyyətinin başçısı cənab Alimpaşa Məmmədovun təşəbbüsü ilə təsis olunan “Gənc Həkimlər Birliyi” təsis edilmişdir. Həmin birlik bütün Şəmkir əhalisinə tibbi xidməti yaşadıqları ucqar kəndlərdə göstərir.
Şəmkir  Rayon  Mərkəzi  Xəstəxanası 237  çarpayılıq  xəstəxanadır. 5 şöbədən ibarətdir. 1-ci Cərrahiyyə şöbəsi  50 çarpayılıq, 2-ci Cərrahiyyə şöbəsi  50 çarpayılıq, 1-ci Terapiya  şöbəsi  50 çarpayı, 2-ci Terapiya  şöbəsi  50 çarpayı, Yoluxucu  Xəstəliklər şöbəsi 25 çarpayı, Reanimasiya şöbəsi  12 çarpayı.
Bundan  əlavə Şəmkir  Rayon  Mərkəzi  Xəstəxanasında  Şüa-Diaqnostika  şöbəsi, Laboratoriya  şöbəsi, Qəbul  şöbəsi, Fizioterapiya  şöbəsi fəaliyyət  göstərir.
Şəmkir  Rayon Mərkəzi  Xəstəxanası Səhiyyə  Nazirliyinin sərəncamı ilə, Mama-Ginekoloji, Cərrahi və Anestezioloji-Reanimatoloji  xidmətə  görə  Qərb  bölgəsi  üzrə Zona  Mərkəzinin təsdiq  olunmuş, dayaq  briqadaları Şəmkir  həkimlərindən  təşkil  edilmişdir.

Bundan  əlavə  Şəmkir  Ağ Ciyər  xəstəlikləri  xəstəxanası  Qərb  bölgəsi  üzrə yeganə  fəaliyyət  göstərən  xəstəxanadır.
40 çarpayılıq  bu xəstəxanada vərəm və digər  ağ ciyər  xəstəlikləri  olan  xəstələr müalicə  alır. Həkim  məntəqələrində  xəstələr  üçün  ambulator  yardım , patronaj  xidmət göstərilir. Ehtiyacı olan  xəstələr Mərkəzi  xəstəxanaya  müayinə  və  müalicə  üçün  göndərilir.

Yaponiya  dövlətinin Azərbaycandakı  Səfirliyinin  maddi  dəstəyi  ilə  rayonumuzda  Ələsgərli  həkim  məntəqəsi, Sabirkənd  həkim  məntəqəsi, İrmaşlı  həkim  məntəqəsi və Atabəy  tibb məntəqəsi  yenidən  tikilmişdir.
Son illər  tibb  müəssisələrinin  maddi texniki bazasının  gücləndirilməsi  məqsədi ilə  bir  sıra  işlər  görülmüşdür. Tibb  müəssisələrinin əksəriyyəti  müasir  tələblərə  cavab  verən  inventar və avadanlıqlar  verilmişdir.  Müasir  rentgen  aparatı, Laporaskopik  Cərrahiyyə  üçün  avadanlıq, müasir  süni  tənəffüs  aparatları, kompyuter  elektrokardioqraf  exokardioqraf, Doppler  sonoqraf, stasionar  və portativ ultrasəslə  müayinə  aparatları labarator  analizatorlar, Yaponiya  istehsalı  olan “Pentaks  fibroqastroskopu, neyrospentoz, Refraktometr” və  bir  sıra  yeni avadanlıqlar  verilmişdir.

Möhtərəm  prezidentimiz Cənab  İlham  Əliyev rayonumuza səfəri  zamanı  rayonda yeni  xəstəxana  kompleksinin  tikintisinə  ehtiyac  olduğunu  bildirmiş  və bu  haqda xüsusi  sərəncam  imzalamışdır. 19 sentyabr 2013-cü il tarixli Şəmkir rayon mərkəzi xəstəxanasının tikintisinə başlamaq üçün 2013-cü ilin dövlət büdcəsində nəzərdə tutulmuş  Azərbaycan Respublikası Prezdentinin ehtiyyat fondundan Səhiyyə Nazirliyinə ilkin olaraq 3.0 (üç) milyon manat ayrılmışdır. 
Hal- hazırda  tikinti  surətlə  davam edir. 190  çarpayılıq  yeni  xəstəxana  kompleksində  əlavə  olaraq  hemodializ,  travmatologiya, lor şöbəsi fəaliyyət  göstərəcək, həmçinin  xəstəxanada  müasir  komputer  tamoqraf  aparatı nəzərdə  tutulub.

Keçidlər