Təzəkənd şəhidlərinin məzarları ziyarət olundu, kənd sakinləri ilə səyyar qəbul keçirildi
06 may 2022 | 10:27
Şəmkir Rayon İcra Hakimiyyətinin başçısı Rəşad Tağıyev Təzəkənd kəndində sakinlərlə səyyar qəbul keçirib.
Qəbuldan öncə icra başçısı kəndin şəhidlərinin məzarlarını ziyarət edib, önünə gül dəstləri düzüb.
Daha sonra Rəşad Tağıyev rayonun idarə, müəssisə və digər xidmət təşkilatlarının rəhbərlərinin iştirakı ilə kənd sakinləri ilə səyyar qəbul-görüş keçirib.
Rəşad Tağıyev kənd sakinləri qarşısında çıxış edərək Prezidenti cənab İlham Əliyevin müvafiq tapşırıqlarına uyğun olaraq Şəmkir rayonunda görülən geniş abadlıq-quruculuq işlərindən və həyata keçirilən irimiqyaslı sosial infrastruktur layihələr barədə sakinlərə ətraflı məlumat verib.
Daha sonra sakinlərin fərdi şəkildə arzu və təklifləri dinlənilib, səsləndirdikləri məsələlər məsul şəxslərin iştirakı ilə yerindəcə araşdırılaraq həlli ilə bağlı tədbirlər müəyyənləşdirilib.
Həlli vaxt tələb edən məsələlər nəzarətə götürülməklə aidiyyəti təşkilat rəhbərlərinə müvafiq tapşırıqlar verilib.
Keçidlər
