Şəmkirin dağ kəndlərinin yolları və Yasamal aşırımları qardan təmizlənib
09 fevral 2025 | 14:14
“Qış mövsümü ilə bağlı yarana biləcək bütün problemlər tam nəzarətdə saxlanılır”
Mövsümə uyğun olaraq Azərbaycanın bir çox bölgələrinə, o cümlədən Şəmkir rayonun dağlıq ərazilərinə yağan qarın yollarda, xüsusilə də Yasamal aşırımlarında sürücülər üçün çətinliklər yaratmasının qarşısının alınması üçün Şəmkir Rayon İcra Hakimiyyəti başçısı yanında Fövqaladə Hallar Komissiyası aidiyyəti təşkilatlarla birgə gücləndirilmiş iş rejimində çalışır.
Yolların buz bağlaması nəticəsində nəqliyyat vasitələrinin və piyadaların hərəkətində yarana biləcək problemlərin əvvəlcədən qarşısını alamaq məqsədilə dünən gecə saatlarından başlayaraq qabaqlayıcı tədbirlər görülür. Belə ki, komissiya tərəfindən rayon 25 saylı Yol İstismar İdarəsi və Şəmkir Rayon Kommunal Müəssisələr Kombinatının dəstəyi ilə yollara duz-qum qarışığı tökülüb, ehtiyac olan yerlərdə isə texnika vasitəsilə təmizləmə işləri aparılıb.
Görülən tədbirlər nəticəsində rayon mərkəzində, dağ kəndlərində və yollarda nəqliyyatın hərəkəti tam bərpa edilib. Hazırda hər hansı bir ciddi problem müşahidə olunmur. Buna baxmayaraq Şəmkir RİH başçısı yanında Fövqaladə Hallar Komissiyası tərəfindən aidiyyəti təşkilatlarla birgə aparılan işlər tam nəzarətdə saxlanılır. Bu məqsədlə rayonun xidmət təşkilatlarında da 24 saat hazır vəziyyətdə olan növbətçi briqadalar yaradılıb. Həmin briqadalar yarana biləcək fəsadların qısa zamanda aradan qaldırılmasını təmin edəcək.
Keçidlər
