Şəmkirdə Ulu Öndər Heydər Əliyevin doğum gününə həsr olunmuş turnirin qalibləri müəyyənləşib
11 may 2022 | 11:05
10 may 2022-ci il tarixdə “İdeal Arena”da Şəmkir rayon Gənclər və İdman İdarəsinin təşkilatçılığı ilə idarə,müəssisə və təşkilatlar arasında Ümummilli lider Heydər Əliyevin anadan olmasının 99-cu ildönümü münasibətilə keçirilən mini futbol turnirinə yekun vurulub.
Turnirin finalında Mühafizə Polisi və “Gənclərbirliyi” komandaları qarşılaşıb və birincilər 4-2 hesabı ilə qalib gələrək turnirin qalibi olub. 3-cü yeri isə “Səhiyyə” komandası tutub.
Turnirin rəsmi bağlanış mərasimində Şəmkir Rayon İcra Hakimiyyətinin başçısının birinci müavini Süleyman Zeynallı, idarə, təşkilat rəhbərləri iştirak ediblər.
Çıxış edənlər turnirin əhəmiyyətindən danışıb, eyni zamanda sağlam həyat tərzinin təbliğ olunması üçün idmanın mühüm vasitə olduğu bildiriblər.
Turnirin qalibləri:
1-ci yer “Mühafizə Polisi”
2-ci yer “Gənclərirliyi”
3-cü yer “Səhiyyə”
Qeyd edək ki, turnirdə komandalar 2 qrup mübarizə aparıblar. Qaliblər Şəmkir rayon Gənclər və İdman İdarəsi tərəfindən diplom və kubokla təltif ediliblər.
Keçidlər
