Şəmkirdə Ulu Öndər Heydər Əliyevin 101-ci illik yubileyinə həsr olunmuş ağacəkmə aksiyası keçirilib
08 may 2024 | 17:59
Yaşıllıqların artırılmasına, ətraf mühitin sağlamlaşdırılmasına hər zaman böyük önəm vermiş Ümummilli lider Heydər Əliyevin 101-ci ildönümü münasibətilə “Yaşıl dünya naminə həmrəylik ili” çərçivəsində Şəmkir Rayon İcra Hakimiyyəti və YAP Şəmkir rayon təşkilatının birgə təşkilatçılığı ilə ağacəkmə aksiyası keçirilib.
Ağacəkmə aksiyasında Şəmkir rayon İcra Hakimiyyətinin başçısı Rəşad Tağıyev, YAP Şəmkir rayon təşkilatının sədri Fəxrəddin Vəliyev, rayonda fəaliyyət göstərən idarə, müəssisə və təşkilat kollektivləri iştirak ediblər.
Aksiyanın məqsədi ölkəmizdə ətraf mühitin qorunması və sağlamlaşdırılmasına hər zaman böyük önəm vermiş Ulu öndər Heydər Əliyevin əziz xatirəsini yad etmək, yaşıllaşdırma ənənələrini davam etdirmək, insanlar arasında ekoloji mədəniyyəti, təbiətə olan qayğı hissini təbliğ etməkdən ibarətdir.
Keçidlər
