Şəmkirdə “Ulu Öndər Heydər Əliyev və Azərbaycan gəncliyi” mövzusunda tədbir keçirildi
22 iyun 2023 | 14:50
Şəmkirdə Yeni Azərbaycan Partiyasının gənc fəalları Heydər Əliyev Mərkəzini ziyarət ediblər
“Heydər Əliyev İli” ilə əlaqədar Yeni Azərbaycan Partiyasının (YAP) Şəmkir rayon təşkilatı tərəfindən Ulu Öndərin zəngin dövlətçilik irsinin, əbədiyaşar ideyalarının öyrənilməsi və yeni nəslə aşılanması, Ümummilli Liderin xalqımız və dövlətimiz qarşısında misilsiz xidmətlərinin geniş ictimaiyyətə çatdırılması məqsədilə ardıcıl tədbirlər həyata keçirilir.
Bu dəfə YAP Şəmkir rayon təşkilatı tərəfindən gənc partiya fəallarının iştirakı ilə Şəmkir Heydər Əliyev Mərkəzinə ekskursiya təşkil olunub. Mərkəzdə gənclərə müstəqil Azərbaycan dövlətinin memarı, Ümummilli Lider Heydər Əliyevin zəngin həyat yolu və müstəsna fəaliyyəti haqqında geniş məlumat verilib, gənclər eksponat, fotoşəkil və kitablarla tanış olublar.
Daha sonra Heydər Əliyev Mərkəzində dəyirmi masa keçirilib.
Tədbirdə iştirak edən Şəmkir Rayon İcra Hakimiyyətinin başçısı Rəşad Tağıyev, YAP Şəmkir rayon təşkilatının sədri Fəxrəddin Vəliyev Ulu Öndər Heydər Əliyevin Azərbaycan xalqı qarşısındakı misilsiz xidmətlərindən bəhs ediliblər.
Diqqətə çatdırılıb ki, Ümummilli Lider fəaliyyətinin bütün mərhələlərində Azərbaycanın inkişafına, milli maraqlarının, dövlətçilik mənafelərinin qorunmasına, tarixi ənənələrin və milli-mənəvi dəyərlərin yaşadılmasına xidmət edən müstəsna işlər görmüşdür.
Bildirilib ki, Ulu Öndərin ideyaları və zəngin dövlətçilik irsi əsasında inkişaf yolunda addımlayan Azərbaycan dövləti Prezident İlham Əliyevin rəhbərliyi ilə tarixi uğurlara imza ataraq milli məqsədləri və strateji hədəfləri gerçəkləşdirməkdədir.
Tədbirin sonunda partiya fəallarına Fəxri Fərmanlar və yeni üzvlüyə qəbul olunan gənclərə vəsiqələr verilib, xatirə fotosu çəkilib.
Keçidlər
