Şəmkirdə Novruz bayramı münasibətilə ümum rayon tədbiri keçirildi
20 mart 2025 | 12:47
Şəmkir Heydər Əliyev Mərkəzinin qarşısında keçirilər bayram tədbirində meydan bayramsayağı Novruz atributları ilə bəzədildi, səmənilər, xonçalar düzüldü.
Tədbirdə iştiak etdən Şəmkir Rayon İcra Hakimiyyətinin başçısı Rəşad Tağıyev, RİH kollektivi, rayonun hüquq-mühafizə orqanlarının, xidmət təşkilatlarının rəhbərləri və sakinlərimiz əvvəlcə Novruz adət-ənənələri, şirniyyatlardan ibarət Novruz sərgisi ilə tanış oldular.
Eyni zamanda idmançılar və gənc müsiqiçilər, təhsil müəssisələrimizin bədii özfəaliyyət kolektivləri də öz məharətlərini göstərdilər.
Tədbirdə bütün Azərbaycan xalqını, şəhid ailələrini, qaziləri, Şəmkir sakinlərini, ölkəmizdən kənarda yaşayan şəmkirliləri bayram münasibətilə təbrik edən Rəşad Tağıyev ölkəmizə bol ruzi-bərəkət və əminamanlıq arzuladı.
İcra başçısı bildirdi ki, Novruz bayramı Azərbaycan xalqının çoxçalarlı incəsənətin güzgüsüdür, habelə milli mədəniyyətimizdə sülh, mehriban qonşuluq və tolerantlıq kimi ümumbəşəri dəyərlərə sadiqliyinin tarixi təcəssümüdür. Ulu öndər Heydər Əliyev hər zaman deyirdi ki, Novruz bayramının bizə bəxş etdiyi ən gözəl nemət ondan ibarətdir ki, qədim zamanlardan bu bayramda insanlar kin-küdurəti unudur, küsülülər barışır, ziddiyyətlər aradan götürülür. Demək, bu, dostluq, həmrəylik, yüksək mənəviyyat bayramıdır.
Rəşad Tağıyev qeyd etdi ki, Müzəffər Ali Baş Komandan İlham Əliyevin qətiyyəti, siyasi uzaqgörənliyi, sərkərdəlik bacarığı sayəsində 30 ildən sonra ölkəmiz, xalqımız milli varlığımızın zənginliyini özündə cəmləyən Novruz bayramını insanları humanizmə, birlik və bərabərliyə dəvət edən mübarək Ramazan ayında suveren Azərbaycanda, mədəniyyət beşiyimiz olan Qarabağda qürur və fərəhlə qeyd edir: “Bu istək uzun illər hər bir azərbaycanlının bayram arzusu oldu. Və nəhayət 30 ildən sonra Müzəffər Ali Baş Komandan İlham Əliyev Ümummilli Liderin vəsiyyətini və Azərbaycan xalqının arzularını reallaşdırdı, doğma torpaqlarımızı işğaldan azad etdi və biz artıq həmin ərazilərdə Novruz bayramını qeyd edirik”.
Rəşad Tağıyev çıxışında vurğuladı ki, milli mənəvi dəyərlərimizə son dərəcə bağlı olub ona böyük ehtiramla yanaşan prezident İlham Əliyevin hər il dövlət səviyyəsində qeyd olunan Novruz şənliklərində iştirak etməsi, xalqımıza təbrik ünvanlaması bu bayrama dövlət qayğısını nümayiş etdirir: “Hər il Novruz bayramı ərəfsində ölkə başçısı tərəfindən tərəfindən ənənəvi olaraq imzalanan əfv sərəncamları Azərbaycan dövlətinin humanizm siyasətinin növbəti təzahürüdür. Eyni zamanda Birinci vitse-prezident, Heydər Əliyev Fondunun prezidenti Mehriban xanım Əliyevanın Azərbaycan mədəniyyətinin beynəlxalq aləmdə təbliği istiqamətində yorulmadan apardığı məqsədyönlü iş nəticəsində Novruz bayramı UNESCO tərəfindən Qeyri-Maddi Mədəni İrs üzrə Reprezentativ siyahısına daxil edilib. Həmçinin Mehriban xanım Əliyevanın təşəbbüsü ilə 2007-ci il Novruz bayramı ərəfəsində “Hərəmiz bir ağac əkək” kampaniyası bu gün də davam etdirilir. Ətraf mühitin sağlamlaşdırılmasına, ekoloji problemlərin həllinə töhfə olan bu layihə çərçivəsində Şəmkir rayonunda da 10 minlərlə ağac əkilmişdir. Elə bu günlərdə bayram ərəfəsində rayonumuzda növbəti ümumrayon iməcliyi və ağacəkmə aksiyası keçirildi”.
Novruz şənliyində rayon Təhsil Sektorunun, Mədəniyyət Sektorunun və Şəmkir Yaradıcı Gənclər Birliyinin bədii özfəaliyyət kollektivlərinin təqdimatında geniş konsert verildi, Kosa və Keçəl tədbir iştirakçılarında xoş ovqat yaratdı.
Sonda rəmzi tonqal qalandı.
Keçidlər
