Şəmkirdə “Mən həmişə fəxr etmişəm və bu gün də fəxr edirəm ki, mən Azərbaycanlıyam!” adlı konsert proqramı təşkil olunub
10 may 2022 | 18:59
Ümummilli lider Heydər Əliyevin anadan olmasının 99-cu ildönümü ilə əlaqədar Şəmkir Regional Mədəniyyət İdarəsinin təşkilatçılığı ilə konsert proqramı təqdim olunub.
Konsertdən əvvəl Ulu öndər Heydər Əliyevin zəngin mənalı həyat və fəaliyyətini əks etdirən qısametrajlı filmə baxış olub.
Tədbirin rəsmi hissəsində çıxış edənlər Ümummilli lider Heydər Əliyevin mənalı ömür yolundan, Ulu Öndərin xilaskarlıq missiyasından danışıblar.
Bildirilib ki, Heydər Əliyev öz müdrik rəhbərliyi, siyasi uzaqgörənliyi, qətiyyəti və əzmkarlığı ilə zəmanəmizin görkəmli siyasi xadimi kimi tanınmış, Azərbaycan xalqının Ümummilli Liderinə çevrilmişdir. Ulu Öndər fəaliyyət göstərdiyi bütün sahələrdə özünü məhz birinci şəxs kimi, lider kimi təsdiq etmişdir, onun ən böyük gücü dərin və universal biliyində, qətiyyətində, işgüzarlığında, qeyri-adi yaddaşında, tükənməz səbrində, uzaqgörənliyində və müdrikliyində idi.
Keçidlər
