Şəmkirdə "Konstitusiya və Suverenlik İli" çərçivəsində ağacəkmə aksiyası keçirildi
01 aprel 2025 | 14:42
“Konstitusiya və Suverenlik İli”nə həsr olunmuş silsilə tədbirlər respublikamızın hər yerində olduğu kimi, Şəmkir rayonunda da davam etdirilir.
Bu dəfə Şəmkir Rayon İcra Hakimiyyətinin təşkilatçılığı ilə ağacəkmə aksiyası keçirildi.
Bakı-Ələt-Qazax-Gürcüstan dövlət sərhədi avtomobil yolunun kənarında keçirilən aksiyada 1500 ədədə yaxın eldar şamı, çinar, palıd, qarağac və sərv ağacları əkilib, abadlıq işləri aparılaraq ağacların dibi yumşaldılıb, suvarılaraq aqrotexniki qulluq göstərilib.
Əkilən ağaclar suvarılıb, küləkdən qorunması üçün qoruyucu dirəklər basdırılıb.
Könüllülər və Şəmkir Kommunal Müəssisələr Kombinatının əməkdaşları aksiyada ağac əkməklə yanaşı, ərazidə təmizlik-abadlıq işləri aparıb, yol kənarlarını alaq otlarından, daşlardan təmizləyib, basdırılan tinglərə aqrotexniki qulluq göstəriblər.
Şəmkir Rayon İcra Hakimiyyətinin başçısı Rəşad Tağıyevin də iştirak etdiyi ağacəkmə aksiyasında bildirildi ki, rayonumuzda ekoloji vəziyyət həmişə xüsusi diqqət mərkəzində saxlanılır və ətraf mühitin mühafizəsi ilə bağlı müəyyən olunmuş prioritetlər üzrə tədbirlər görülür.
Keçidlər
