Şəmkirdə əkilən ağaclara xüsusi qulluq göstərilir
05 noyabr 2024 | 16:19
“Yaşıl dünya naminə həmrəylik ili” çərçivəsində Şəmkir Rayon İcra Hakimiyyətinin təşkilatçılığı ilə oktyabr ayında rayonumuzda yaşıllıqların artırılması üçün ağacəkmə aksiyaları keçirildi.
Aksiyalar çərçivəsində müxtəlif ərazilərə torpaq-iqlim şəraitinə uyğun ümumilikdə 15200 şam, çinar, palıd, qarağac və göyrüş ağacları əkildi.
Hazırda əkilən ağacların və mövcud yaşıllıqların qorunmasına, onlara aqrotexniki qulluq edilməsinə isə xüsusi diqqət göstərilir. Belə ki, salınan yaşıllıqların suvarılması, alaq otların təmizlənməsi, ağacların budanması işləri müntəzəm şəkildə həyata keçirilir. Əkilən ağacların suvarılması məqsədilə su çalaları qazılıb və şumlama işləri aparılır. Bununla yanaşı, ərazilərin təmizliyi də daim nəzarətdə saxlanılır, abadlıq işləri davam etdirilir.
Qeyd edək ki, ekoloji tarazlığın bərpasına, ətraf mühitin qorunmasına kömək etmək, atmosferi oksigenlə zənginləşdirmək, ictimaiyyətin diqqətini yaşıllıqların qorunmasına yönəltmək məqsədilə keçirilən ağacəkmə aksiyaları zamanı əkilmiş ağaclara mütəmadi qulluq göstərilməsi üçün müvafiq tədbirlər bundan sonra davam etdiriləcək.
Keçidlər
