Şəmkirdə "Azərişıq" ASC-nin 10 illik yubileyinə həsr olunmuş tədbir keçirilib
08 fevral 2025 | 11:14
Bu münasibətlə Şəmkir Rayon İcra Hakimiyyəti başçısının birinci müavini Süleyman Zeynallı, Şəmkir Elektrik Şəbəkəsinin rəhəbər heyəti və əməkdaşları şəhərin mərkəzində ucaldılan Ulu öndər Heydər Əliyevin abidəsini ziyarət edərək, önünə gül dəstələri qoyublar.
Daha sonra tədbir iştirakçıları Şəmkir Şəhidlər Xiyabanını ziyarət edərək, şəhidlərimizin əziz xatirəsini yad ediblər.
S.Zeynallı yubiley münasibətilə “Azərişıq” ASC əməkdaşlarını təbrik edib, gələcək fəaliyyətlərində uğurlar arzulayıb.
Şəmkir Elektrik Şəbəkəsinin rəisi Mehman Xəlilov da çıxışında 10 illik fəaliyyəti dövründə qurumun əldə etdiyi nailiyyətlərdən bəhs edib, Şəmkir rayonunda görülən işlərdən danışıb.
Qeyd edək ki, Azərbaycan Respublikasının Prezidenti İlham Əliyevin 10 fevral 2015-ci il tarixli sərəncamı ilə “Bakıelektrikşəbəkə” ASC-nin adı dəyişdirilərək “Azərişıq” ASC adlandırılmaqla Azərbaycan Respublikası ərazisində istehlakçıların etibarlı, təhlükəsiz və səmərəli şəkildə elektrik enerjisi ilə təchizatının həyata keçirilməsi “Azərişıq”ASC-yə həvalə edilmişdir.
Keçidlər
