Şəhid Şahbaz Şahbazovun xatirəsi doğum günündə əbədiləşdirilib
25 iyun 2023 | 09:36
Şəmkir rayonunun Qaracəmirli kəndində Vətən müharibəsində qəhrəmancasına şəhid olan Şahbazov Şahbaz Mirzə oğlunun xatirəsi əbədiləşdirilib.
Açılış mərasimində Şəmkir Rayon İcra Hakimiyyətinin başçısı Rəşad Tağıyev, şəhid ailələri, qazilər, hərbçilər, şəhidin yaxınları, kənd ictimaiyyəti iştirak ediblər.
Tədbirdə vətənimizin bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad edilib, abidə kompleksinin önünə gül dəstələri düzülüb.
Rayon İcra Hakimiyyətinin başçısı 44 günlük Vətən müharibəsində Azərbaycanın qətiyyətli mövqeyindən, xalqımızın məğrurluğundan, yenilməzliyindən, igidlərimizin torpağa bağlılığı və Vətən sevgisindən danışıb.
İcra başçısı bildirib ki, Prezident, Müzəffər Ali Baş Komandan İlham Əliyevin rəhbərliyi ilə qəhrəman hərbçilərimiz qanları, canları bahasına torpaqlarımızı azad ediblər. Bu amal uğrunda şəhid olan qəhrəmanların xatirəsi xalqımızın qəlbində hər zaman yaşayacaq.
Daha sonra şəhidin atası Mirzə Abbasov oğlunun keçdiyi döyüş yolundan danışıb, bu gün dövlətimizin şəhid ailələri və qazilərlə bağlı apardığı siyasətin şəhidlərimizə, Vətən müharibəsi qəhrəmanlarına, qazi və şəhid ailələrinə sonsuz ehtiramın nümunəsi olduğunu bildirib.
Keçidlər
