Şəhid Babək Namazovun xatirəsi doğum günündə anılıb
16 may 2022 | 10:19
Şəhid Babək Namazovun xatirəsi doğum günündə anılıb
Vətən müharibəsində canını, qanını, gəncliyini vətənə qurban verən igid oğullarımızdan şəhid Babək Səhman oğlu Namazovun əziz xatirəsi doğum günündə anılıb.
Babək Namazov 1994-cü il mayın 15-də Şəmkir rayonunun Əliyaqublu kəndində anadan olub. O, Cəlilabad rayonunun Göytəpə qəsəbəsində yerləşən "N" saylı hərbi hissədə xidmət edib.
Azərbaycan Ordusunun Xüsusi Təyinatlı Qüvvələrinin giziri olan Babək Namazov 2020-ci il sentyabrın 27-dən Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində iştirak edib.
B.Namazov oktyabrın 4-dən 5-ə keçən gecə Cəbrayıl istiqamətində gedən döyüşlərdə itkin düşmüşdür. Uzun müddət axtarışlardan sonra Babək Namazovun nəşi 20 fevral 2021-ci ildə tapılaraq ailəsinə təhvil verilib.
Azərbaycan Respublikasının Prezidenti İlham Əliyevin müvafiq sərəncamlarına əsasən “Xocavəndin azad edilməsinə görə” və “Şücaətə görə” medalları ilə təltif edilib.
Şəmkir Rayon İcra Hakimiyyətinin əməkdaşları tərəfindən şəhidimizin doğum günündə məzarı ziyarət olunub, əziz xatirəsi anılıb.
Allah rəhmət eləsin!
Keçidlər
