Şəhid Anar Kazımovun əziz xatirəsi birinci ildönümündə anılıb.
05 avqust 2023 | 10:27
Ötən il avqustun 3-də Ermənistanın təxribatları zamanı Azərbaycan ordusunun əsgəri Kazımov Anar Rüstəm oğlunun şəhidlik zirvəsinə ucaldığı gündən bir il keçir.
Bu gün şəhidimizin əziz xatirəsi doğulub boya-başa çatdığı Qaracəmirli kəndində anılıb.
Anım mərasimində Şəmkir Rayon İcra Hakimiyyəti başçısının müavini Rüfət Sahibsoy, Vətən müharibəsi iştirakçıları və şəhid ailələri ilə işin təşkili şöbəsinin müdiri Sərdar Namazov, RİH əməkdaşları, şəhid ailələri, qazilər, rayon ziyalıları və ictimaiyyət nümayəndələri iştirak ediblər.
Əvvəlcə şəhidimizin məzarı ziyarət olunub, önünə gül dəstləri düzülərək əziz xatirəsi anılıb.
Anım mərasimində şəhidin keçdiyi döyüş yolundan, göstərdiyi qəhrəmanlıqlardan danışılıb.
Rayon İcra Hakimiyyətinin rəhbər şəxsləri daha sonra şəhid Anar Kazımovun ailə üzvlərinə baş çəkib, onların istək və qayğıları ilə maraqlanıb.
Keçidlər
