Səfərbərlik və Hərbi Xidmətə Çağırış üzrə Dövlət Xidmətinin rəisi Şəmkirdə vətəndaşları qəbul edib
23 iyun 2023 | 15:17
Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) rəisi Mürsəl İbrahimov iyunun 23-də Şəmkir şəhərində yerləşən Heydər Əliyev Mərkəzində Şəmkir, Goranboy, Samux, Göygöl, Daşkəsən, Kəlbəcər rayonlarından və Gəncə şəhərindən olan vətəndaşları qəbul edib.
Dövlət Xidmətinin rəisi və Şəmkir Rayon İcra Hakimiyyətinin başçısı Rəşad Tağıyev qəbuldan əvvəl Ümummilli lider Heydər Əliyevin abidəsi ziyarət edilərək önünə gül dəstəsi qoyub, dahi şəxsiyyətin əziz xatirəsini ehtiramla yad ediblər.
Qəbulda 21 vətəndaşın müraciəti dinlənilib. Vətəndaşlar SHXÇDX-də həqiqi hərbi xidmətə və ya işə qəbul, övladının təkrar tibbi şəhadətləndirilməsi, Vətən müharibəsində şəxsi nəqliyyat vasitəsinə dəymiş ziyanın ödənilməsi, şəhid adının əbədiləşdirilməsi, müddətli həqiqi hərbi xidmətə cəlb olunma və s. məsələlərlə bağlı müraciət ediblər.
Keçidlər
