Rəşad Tağıyev Çaparlı sakinləri ilə səyyar qəbul-görüş keçirib

Bu gün Şəmkir Rayon İcra Hakimiyyətinin başçısı Rəşad Tağıyev Çaparlı kənd sakinləri ilə səyyar qəbul-görüş keçirib.

İcra başçısı qəbuldan öncə Çaparlı kəndindən olan şəhidlərin məzarlarını ziyarət edib, önünüə gül dəstləri düzüb. Rəşad Tağıyev daha sonra şəhid Elbrus Hüseynovun xatirəsinə ucaldılan abidə komleksində görülən işlərlə maraqlanıb, şəhidin ailə üzvləri ilə görüşüb.

Rəşad Tağıyev abidə komleksi ilə tanışlıqdan sonra RİH başçısının müavinləri, şöbə müdirləri, dövlət orqanlarının yerli idarələrinin və xidmət sahələrinin rəhbərlərinin iştirakı ilə kənd ictimaiyyəti ilə görüş keçirib.

Rəşad Tağıyev sakinlərlə söhbətində ilk öncə xalqımızın tarixinə “Zəfər salnaməsi” kimi yazılan 44 günlük müharibədə qazandığımız Şanlı Qələbə barədə, eləcə də Prezident cənab İlham Əliyev tərəfindən əhalinin sosial müdafiəsinə və rifah halının yüksəldilməsinə yönəlmiş qərarlar haqqında danışıb.

İcra başçısı daha sonra cənab İlham Əliyevin müvafiq tapşırıqlarına uyğun olaraq Şəmkir rayonunda görülən geniş abadlıq-quruculuq işləri və həyata keçirilən irimiqyaslı sosial infrastruktur layihələri barədə sakinlərə ətraflı məlumat verib.

Daha sonra sakinlər fərdi şəkildə qəbul olunub, qaldırdıqları məsələlər müvafiq qaydada qeydə alınaraq rəsmiləşdirilib.

Səsləndirilən müraciətlərin bir qismi yerindəcə həll edilib, bir qisminin həlli üçün nəzarətə götürülməsi barədə tapşırıqlar verilib, araşdırılması vacib olan məsələlər isə müvafiq qurumlara yönləndirilib.