Onlar Şəmkir RİH başçısı tərəfindən təltif edildilər -2025
13 yanvar 2025 | 10:59
Şəmkir Rayon İcra Hakimiyyətinin başçısı Rəşad Tağıyev 2024-cü ildə rayonun ictimai həyatda fərqlənən bir sıra şəxsləri Fəxri Fərman və Təşəkkürnamə ilə təltif edib.
Belə ki, “Yaşıl dünya naminə həmrəylik ili” çərçivəsində yaşıllıqların salınması, qorunması və Şəmkir şəhərinin kommunal təsərrüfatının inkişafı istiqamətində səmərəli fəaliyyətlərinə görə Şəmkir Rayon Kommunal Müəssisələr Kombinatının rəisi Alışan Yusifov Fəxri Fərman, Kombinatın 15 nəfər əməkdaşı isə Təşəkkürnamə ilə təltif ediliblər.
Eyni zamanda İtaliyanın paytaxtı Roma şəhərində keçirilən "Fibonacci" beynəlxalq robot olimpiadasında ikinci yeri tutan Şəmkir Kimya-Biologiya Təmayüllü Liseyinin 10-cu sinif şagirdi Ağazadə Kainat Samir oğlu Fəxri Fərmanla təltif edilib.
Rəşad Tağıyev həm Şəmkir Rayon Kommunal Müəssisələr Kombinatının əməkdaşlarını, həmdə Kainat Ağazadəni təbrik edib, onlara gələcək işlərində uğurlar arzulayıb.
Keçidlər
