“𝐐𝐨𝐬̧𝐚 𝐚𝐝𝐝ı𝐦𝐥𝐚𝐲𝐚𝐧 𝐨̈𝐦𝐮̈𝐫” - 𝐙ə𝐫𝐢𝐟ə 𝐱𝐚𝐧ı𝐦 Ə𝐥𝐢𝐲𝐞𝐯𝐚𝐧ı𝐧 𝟏𝟎𝟎 𝐢𝐥𝐥𝐢𝐤 𝐲𝐮𝐛𝐢𝐥𝐞𝐲𝐢𝐧ə 𝐡ə𝐬𝐫 𝐨𝐥𝐮𝐧𝐦𝐮𝐬̧ 𝐞𝐥𝐦𝐢-𝐩𝐫𝐚𝐤𝐭𝐢𝐤𝐢 𝐤𝐨𝐧𝐟𝐫𝐚𝐧𝐬
28 aprel 2023 | 17:37
Şəmkirdə görkəmli oftalmoloq-alim, akademik Zərifə xanım Əliyevanın 100 illik yubileyi ilə əlaqədar “Qoşa addımlayan ömür” adlı elmi-praktiki konfrans keçirildi.
Şəmkir Rayon İcra Hakimiyyətinin başçısı Rəşad Tağıyev, rayonda fəaliyyət göstərən dövlət qurumlarının nümayəndələri, səhiyyə işçiləri ilk öncə Ümummilli liderin Şəmkir Heydər Əliyev Mərkəzində yerləşən abidəsi önünə tər çiçəklər qoydular.
Elmi-praktiki konfrans oftalmoloq-alim Zərifə Əliyevaya həsr edilmiş “Zirvələrə yüksələn zərif insan ömrü” adlı filmin nümayişi ilə başladı.
Konfransda çıxış edən Şəmkir Rayon İcra Hakimiyyətinin başçısı Rəşad Tağıyev oftalmoloq-alim Zərifə xanım Əliyevanın respublikamızda tibb elminin inkişafına mühüm töhfələr verərək oftalmologiyanın aktual problemlərinə dair tədqiqatları ilə böyük şöhrət qazandığını və onun elmi-pedaqoji və ictimai fəaliyyəti həkimlərin yeni nəslinin yetişməsinə və Azərbaycanda oftalmologiya elminin inkişafına güclü təsir göstərdiyini bildirdi.
İcra başçısı qeyd etdi ki, Azərbaycan oftalmologiyasını dünya səviyyəsində tanıdan akademik Zərifə xanım Əliyeva, təbabətdə öz dəst-xətti olan novator bir alim idi: “O, elmi-pedaqoji fəaliyyətində təkcə çoxşaxəli elmi-tədqiqat işləri aparmaqla kifayətlənməmiş, yüksək ixtisaslı gənc alim kadrların yetişdirilməsinə və oftalmoloq-həkimlərin ixtisaslarının artırılması işinə də xüsusi diqqət yetirmişdir”.
Konfransda görkəmli alimin tibb sahəsində fəaliyyətindən ətraflı söz açdıldı, gözəl ana, həyat yoldaşı, intellektual keyfiyyətləri özündə birləşdirən ziyalı, dünya tibb elminə əvəzolunmaz töhvələr vermiş, böyük oftalmoloq alim Zərifə Əliyevanın həyatı, elmi və yaradıcılıq fəaliyyəti tədbir iştirakçılarının diqqətinə çatdırıldı.
Bu gün Prezident İlham Əliyev və Azərbaycanın birinci xanımı Mehriban xanım Əliyevanın böyük siyasi iradə və qalibiyyət əzmi ilə dahi ulu öndər Heydər Əliyevin və görkəmli alim Zərifə xanım Əliyevanın arzularını həyata keçirdikləri, böyük nəslin dastanının yeni səhifələrini yaratdıqları qeyd edildi.
Keçidlər
