Hörmət və ehtiramla anırıq! -16 noyabr
16 noyabr 2023 | 18:54
Vətən Müharibəsində xalqızımızn tarixi qəhrəmanlıq ənənələrini qoruyan oğullarımız döyüş meydanında düşməni 44 günə darmadağın edərək tarix yazdı. Ali Baş Komandanın rəhbərliyi altında, xalqın dəstəyindən güc alan mərd oğullarımız qısa müddət ərzində tarixi torpaqlarımızı işğaldan azad etdilər. Bu döyüşlərdə şəhadətə yüksələnlər də oldu.
Bu gün müqəddəs amal uğrunda şəhadətə yüksələn oğullarımızın ruhu rahatdır. Onların hər biri Böyük Qələbənin həsrətində idi. Tarixi torpaqlarımız düşməndən təmizlənib, o torpağın əsl sahibləri yurdlarına qayıdırlar.
Vətən torpaqlarının işğaldan azad edilməsi uğrunda canından keçən Elşən İsmayılovun, Hüseyn Qəribzadənin və Orxan Əlilinin əziz xatirəsi şəhidlik zirvəsinə ucalmalarının üçüncü ildönümündə anılıb.
Anım mərasimlərində Şəmkir Rayon İcra Hakimiyyətinin məsul şəxsləri, şəhid ailələri, qazilər, rayon ziyalıları və ictimaiyyət nümayəndələri iştirak ediblər.
Tədbir iştirakçıları şəhidilərimizin xatirəsinə ehtiram əlaməti olaraq məzarlarını ziyarət edib, üzərinə tər çiçəklər düzüblər.
Eyni zamanda şəhidlərimizin ailə üzvləri ziyarət olunub, onlara övladlarının şəhadətə qovuşmasının ildönümü ilə əlaqədar baş sağlığı verilib.
𝐀𝐥𝐥𝐚𝐡 𝐫ə𝐡𝐦ə𝐭 𝐞𝐥ə𝐬𝐢𝐧!
Keçidlər
