𝐕ə𝐭ə𝐧𝐩ə𝐫𝐯ə𝐫𝐥𝐢𝐤 𝐫𝐚𝐝𝐢𝐤𝐚𝐥𝐢𝐳𝐦 𝐯ə 𝐞𝐤𝐬𝐭𝐫𝐞𝐦𝐢𝐳𝐦ə 𝐪𝐚𝐫𝐬̧ı 𝐦𝐮̈𝐛𝐚𝐫𝐢𝐳ə𝐝ə 𝐞𝐟𝐟𝐞𝐤𝐭𝐢𝐯 𝐯𝐚𝐬𝐢𝐭ə𝐝𝐢𝐫
25 aprel 2023 | 15:06
Dini radikalizm və ekstremizmə qarşı mübarizədə ən effektiv vasitələrdən biri vətənpərvərlik hissinin gücləndirilməsidir. Vətənpərvərlik hissləri yüksək olan şəxslər dini radikalizm və ekstremizmin təsirinə məruz qalmaz.
Bu fikirlər “N” hərbi hissəsində Şəmkir Rayon İcra Hakimiyyətinin, Dini Qurumlarla İş üzrə Dövlət Komitəsinin Tovuz Regional şöbəsinin birgə keçirdiyi tədbirdə səsləndirilib.
Tədbirdə çıxış edənlər 1990-cı illərin əvvəllərində Azərbaycanda da təhlükəli bir dövr yarandığını, lakin ulu öndər Heydər Əliyevin müdrik, uzaqgörən siyasəti nəticəsində ölkəmizdə daxili sabitliyin qorunub saxlanıldığını, cəmiyyətimizdə birlik və həmrəyliyin möhkəmləndiyini, bütün sahələrdə sabit, ahəngdar inkişafa nail olunduğunu vurğulayıblar.
Bildirilib ki, bu gün Azərbaycandakı dövlət-din münasibətləri modeli, multikulturalizm, tolerantlıq dünyaya bir nümunədir.
Hərbi hissənin məsul şəxsləri də çıxışlarında tədbirin əhəmiyyətini yüksək qiymətləndirib. Gəncləri radikal dini cərəyanların təsiri altına düşməkdən və dini radikalizmdən qorumağın, eyni zamanda, vətənpərvər ruhda tərbiyə olunmalarının vacibliyini qeyd ediblər. Bildirilib ki, Azərbaycan Ordusunda şəxsi heyətin vətənpərvərlik hissi, mənəvi-psixoloji hazırlığı və döyüş ruhu yüksəkdir.
Keçidlər
