𝐒̧ə𝐦𝐤𝐢𝐫𝐝ə “𝐁𝐨̈𝐲𝐮̈𝐤 𝐙ə𝐟ə𝐫𝐢𝐧 𝐛𝐚𝐬̧𝐥𝐚𝐧𝐠̆ı𝐜ı” 𝐚𝐝𝐥ı 𝐭ə𝐝𝐛𝐢𝐫 𝐤𝐞𝐜̧𝐢𝐫𝐢𝐥𝐢𝐛.
05 aprel 2023 | 17:02
Şəmkir rayonunda Aprel döyüşlərinin ildönümünə həsr olunmuş “Böyük Zəfərin başlanğıcı” mövzusunda tədbir keçirilib.
Şəmkir Rayo İcra Hakimiyyətinin, Qazax-Tovuz Regional Təhsil İdarəsinin Şəmkir Sektorunun nümayəndələrinin, şəhid ailəsi üzvlərinin iştirak etdikləri tədbir iştirakçıları əvvəlcə şəhidlərin xatirəsinin əbədiləşdirilməsi üçün Şəhidlər Xiyabanında ucaldılmış Şəhidlər Memorial Abidə Kompleksini ziyarət ediblər.
Şəmkir şəhər Fərman Salmanov adına tam orta məktəbin akt zalında keçirilən tədbirdə əvvəlcə Vətən uğrunda canından keçmiş qəhrəman şəhidlərimizin əziz xatirəsi bir dəqiqəlik sükutla yad olunub.
Şəmkir RİH başçısının müavini Aynur Abdullayeva çıxışında yeddi il əvvəl erməni təxribatına cavab olaraq həyata keçirilən qısamüddətli hərbi əməliyyatlar nəticəsində rəşadətli Azərbaycan Ordusunun əldə etdiyi şanlı qalibiyyətdən bəhs edib. Vətən yolunda böyük şücaət və fədakarlıq göstərən şəhidlərimizin adları daim uca tutulacaq və əziz xatirələri hər zaman böyük ehtiramla anılacaq.
Tədbirə qatılan şəhid ailəsi üzvləri çıxışlarında ölkəmizin ərazi bütövlüyü uğrunda canından keçmiş qəhrəman əsgər və zabitlərimizlə qürur duyduqlarını bildirib, göstərilən diqqət və qayğıya görə ölkə başçısına təşəkkürlərini çatdırıb.
Sonra Aprel şəhidlərinə həsr olunan videoçarx nümayiş etdirilib, məktəblilərin təqdimatında vətənpərvərlik mövzusunda müxtəlif şeir və musiqi kompozisiyaları ifa olunub.
Keçidlər
