𝐁𝐮 𝐝ə𝐟ə 𝐫𝐚𝐲𝐨𝐧𝐮𝐦𝐮𝐳𝐮𝐧 ə𝐧 𝐮𝐜𝐪𝐚𝐫 𝐝𝐚𝐠̆ 𝐤ə𝐧𝐝𝐥ə𝐫𝐢𝐧𝐝ə𝐧 𝐨𝐥𝐚𝐧 𝐃𝐚𝐬̧𝐛𝐮𝐥𝐚𝐪𝐝𝐚 𝐬𝐚𝐤𝐢𝐧𝐥ə𝐫𝐥ə 𝐠𝐨̈𝐫𝐮̈𝐬̧ 𝐤𝐞𝐜̧𝐢𝐫𝐢𝐥𝐝𝐢.
19 may 2023 | 14:58
Şəmkir Rayon İcra Hakimiyyətinin başçısı Rəşad Tağıyev Daşbulaq kəndində sakinlərlə səyyar qəbul keçirib.
RİH əməkdaşlarının, xidmət sahələrinin rəhbərləri və kənd ictimaiyyətinin nümayəndələrinin iştirak etdiyi sakinlərlə görüşdə Rəşad Tağıyev Prezident İlham Əliyevin rəhbərliyi ilə ölkəmizdə vətəndaşların rifahının yaxşılaşdırılması ilə bağlı aparılan islahatlardan, sosial-iqtisadi sahədə qazanılan uğurlardan danışıb.
İcra başçısı bildirib ki, dövlət başçısının sabaha hesablanmış məqsədyönlü siyasətinin nəticəsidir ki, ölkəmizdə qeyri-neft sektoru sürətlə inkişaf etmiş, bir sıra əhəmiyyətli sosial proqramlar reallaşdırılmışdır. Azərbaycanın iqtisadi qüdrətinin artması bölgələrimizin inkişafına da müsbət təsir göstərmişdir: "Belə ki, regionlarda, eyni zamanda Şəmkir rayonunda infrastruktur layihələri həyata keçirilmiş, yeni iş yerləri açılmış, əhalinin maddi rifahı yaxşılaşmışdır. Prezident İlham Əliyevin bölgələrə ardıcıl səfərlər etməsi, əhalinin problemləri ilə maraqlanması regionların sürətli inkişafına göstərilən diqqət və qayğının bariz nümunəsidir”.
Şəmkir rayonuna göstərilən xüsusi diqqət və qayğı, rayonumuzda aparılan tikinti-quruculuq işləri, əhalinin sosial problemlərinin həlli istiqamətində həyata keçirilən tədbirlər haqqında sakinlərə məlumat verən icra başçısı bildirib ki, Prezident cənab İlham Əliyev tərəfindən həyata keçirilən bu tədbirlər və görülən işlər bundan sonra da davam etdiriləcək, vətəndaşlarımızı narahat edən ən kiçik problem belə diqqətdən kənarda qalmayacaq.
Daha sonra vətəndaşların müraciətləri, istək və təklifləri dinlənilib, sakinlərlə kəndin ümumi problemləri müzakirə olunub.
Səyyar qəbulda sakinlərin səsləndirdikləri məsələlər məsul şəxslərin iştirakı ilə müvafiq qaydada araşdırılaraq həlli ilə bağlı tədbirlər müəyyənləşdirilib. Həlli vaxt tələb edən məsələlər nəzarətə götürülməklə aidiyyəti təşkilat rəhbərlərinə müvafiq tapşırıqlar verilib.
Sakinlərlə ümumi görüşdən sonra icra başçısı fərdi müraciət etmək istəyənləri qəbul edib.
Keçidlər
