𝐑ə𝐬̧𝐚𝐝 𝐓𝐚𝐠̆ı𝐲𝐞𝐯 𝐮𝐜𝐪𝐚𝐫 𝐝𝐚𝐠̆ 𝐤ə𝐧𝐝𝐢𝐧𝐝ə 𝐢𝐧𝐬̧𝐚 𝐞𝐝𝐢𝐥ə𝐧 𝐦𝐨𝐝𝐮𝐥 𝐭𝐢𝐩𝐥𝐢 𝐦ə𝐤𝐭ə𝐛𝐝ə 𝐚𝐩𝐚𝐫ı𝐥𝐚𝐧 𝐢𝐬̧𝐥ə𝐫𝐥ə 𝐭𝐚𝐧ı𝐬̧ 𝐨𝐥𝐮𝐛
19 may 2023 | 16:52
Prezident cənab İlham Əliyevin qayğısı sayəsində reallaşan çoxsaylı layihələr, həyata keçirilən tədbirlər nəticəsində Şəmkir rayonunda mərhələli şəkildə təhsil müəssisələri yenilənir, şagirdlərin rahat təhsil alması üçün imkanlar genişləndirilir.
Prezident cənab İlham Əliyevin “Azərbaycan Respublikasında modul tipli təhsil müəssisələrinin quraşdırılması işlərinin davam etdirilməsi haqqında” 2022-ci il 19 sentyabr tarixli Sərəncamına əsasən rayonumuzun ucqar dağ kəndi Ələsgərlidə modul tipli məktəb tikilir.
Şəmkir Rayon İcra Hakimiyyətinin başçısı Rəşad Tağıyev yeni inşa edilən məktəbdə görülən işlərlə maraqlanıb, yaradılan şəraitlə yaxından tanış olub.
İş icraçısı layihə barədə məlumat verərək bildirib ki, 96 şagird yerlik məktəbdə şagirdlərin yüksək səviyyədə təhsil almaları üçün hər cür şərait yaradılır.
Qeyd edək ki, rayonun digər təhsil müəssisələrinin də mərhələli şəkildə müasir standartlara uyğun yenilənməsi üçün işlər davam etdirilir.
Son bir ildə rayonumuzun ən böyük təhsil müəssisələrindən olan Məhəmməd Füzuli adına təbiət və humanitar fənlər təmayüllü tam orta məktəb-lisey və Coşqun Abdıyev adına Zəyəm Cırdaxan kənd 2 saylı tam orta məktəb yenilənərək müasir standartlara uyğun qurulub. Hazırda isə Zəyəm qəsəbəsində yerləşən Əhməd Cəmil adına 1 saylı tam orta məktəbdə Azərbaycan Respublikası Elm və Təhsil Nazirliyi tərəfindən əsaslı təmir-bərpa işləri aparılır.
Keçidlər
