𝐒̧ə𝐦𝐤𝐢𝐫𝐢𝐧 𝐀𝐬̧𝐚𝐠̆ı 𝐒𝐞𝐲𝐟ə𝐥𝐢 𝐤ə𝐧𝐝𝐢𝐧𝐝ə 𝐲𝐞𝐧𝐢 𝐲𝐚𝐬̧𝐚𝐲ı𝐬̧ 𝐦𝐚𝐬𝐬𝐢𝐯𝐢 𝐪𝐚𝐳𝐥𝐚𝐬̧𝐝ı𝐫ı𝐥ı𝐫.
05 may 2023 | 18:06
Prezident cənab İlham Əliyevin regionların sosial-iqtisadi inkişafına, abadlıq-quruculuq işlərinin aparılmasına göstərdiyi qayğı sayəsində bu gün Şəmkir rayonunda davamlı olaraq infrastruktur və sosial layihələr icra edilir.
Bu işlərin bir parçası olaraq “Azəriqaz” İstehsalat Birliyi tərəfindən Şəmkir rayonunun yaşayış məntəqələrinin qazlaşdırılması, habelə qaz təchizatı sisteminin yenidən qurulması ilə bağlı işlər görülür.
Hazırda isə Şəmkir rayonunun Aşağı Seyfəli kəndində yeni salınmış yaşayış massivinin qazlaşdırılması işləri həyata keçirilir.
Ümumilikdə 300 abonentin məskunlaşdığı yaşayış massivinin qazlaşdırılması üçün layihə üzrə ümumi uzunluğu 4 161 metr küçə qaz xətlərinin və ümumi uzunluğu 7 767 metr daxili qaz xətlərinin çəkilməsi, eyni zamanda 300 ədəd qaz sayğacının quraşdırılması nəzərdə tutulur. Layihə qısa zamanda yekunlaşaraq sakinlər mavi yanacaqla təmin olunacaq.
Keçidlər
