𝐒̧ə𝐦𝐤𝐢𝐫 𝐫𝐚𝐲𝐨𝐧𝐮𝐧𝐮𝐧 𝐪𝐚𝐳 𝐭ə𝐬ə𝐫𝐫𝐮̈𝐟𝐚𝐭ı𝐧𝐝𝐚 𝐨𝐥𝐚𝐧 𝐩𝐫𝐨𝐛𝐥𝐞𝐦𝐥ə𝐫 𝐚𝐫𝐚𝐝𝐚𝐧 𝐪𝐚𝐥𝐝ı𝐫ı𝐥ı𝐫.
18 may 2023 | 17:53
Prezident cənab İlham Əliyevin regionların sosial-iqtisadi inkişafına, abadlıq-quruculuq işlərinin aparılmasına göstərdiyi qayğı sayəsində bu gün Şəmkir rayonunda davamlı olaraq infrastruktur və sosial layihələr icra edilir.
Bu işlərin bir parçası olaraq “Azəriqaz” İstehsalat Birliyi tərəfindən Şəmkir rayonunun yaşayış məntəqələrinin qazlaşdırılması, habelə qaz təchizatı sisteminin yenidən qurulması ilə bağlı işlər görülür.
Xəbər verdiyimiz kimi, hazırda Şəmkir rayonunun Aşağı Seyfəli kəndində yeni salınmış yaşayış massivinin qazlaşdırılması işləri həyata keçirilir.
Eyni zamanda Şəmkir rayonunda istehlakçıların fasiləsiz və təhlükəsiz təbii qazla təminatını həyata keçirmək üçün rayonun qaz təsərrüfatında təmir-bərpa işləri də davam etdirilir.
Bu işlərin bir parçası olaraq rayonun Yeni Həyat kəndi ərazisində müxtəlif diametrli qaz xətlərində təmir-bərpa işləri həyata keçirilir, ehtiyac duyulan ərazilərdə qaz xətlərinin yenilənməsi işləri görülür.
Keçidlər
