𝐒̧ə𝐦𝐤𝐢𝐫 𝐇ə𝐫𝐛𝐢 𝐇𝐨𝐬𝐩𝐢𝐭𝐚𝐥ı𝐧𝐝𝐚 𝐍𝐨𝐯𝐫𝐮𝐳 𝐛𝐚𝐲𝐫𝐚𝐦ı 𝐦𝐮̈𝐧𝐚𝐬𝐢𝐛ə𝐭𝐢𝐥ə 𝐭ə𝐝𝐛𝐢𝐫 𝐤𝐞𝐜̧𝐢𝐫𝐢𝐥𝐢𝐛.
20 mart 2023 | 14:17
Şəmkir Rayon İcra Hakimiyyəti başçısının birinci müavini Süleyman Zeynallının da iştirak etdiyi tədbir iştirakçıları əvvəlcə torpaqlarımızın azadlığı uğrunda canlarından keçmiş şəhidlərin ruhunu bir dəqiqəlik sükutla yad edib, sonra Azərbaycan Dövlət Himni səsləndirilib.
Süleyman Zeynallı Novruz bayramı münasibətilə Hərbi Hospitalın kollektivini və zabitləri təbrik edib, onlara xoş arzularını çatdırıb.
O bildirib ki, Müzəffər Ali Baş Komandan İlham Əliyevin rəhbərliyi altında Azərbaycan Ordusu öz üzərinə düşən missiyanı layiqincə yerinə yetirərək 44 günlük Vətən müharibəsində zəfər qazanıb. Bu Şanlı Zəfərdə əsgərlər, zabitlər və hərbi həkimlər şərəfli peşə sahibi olduğunu bir daha sübut etdilər.
Daha sonra Novruz bayramının simvollarından olan bayram tonqalı qalanıb və kosa ilə keçəlin ifasında maraqlı kompozisiyalar nümayiş etdirilib.
Bundan başqa, Hərbi Hospitalın rəhbərliyi tərəfindən peşə fəaliyyətini uğurla yerinə yetirən tibb işçilərinə hədiyyələr təqdim olunub.
Bayram konsert proqramı ilə davam etdirilib.
Keçidlər
