Dövlət qulluqçusunun xidməti fəaliyyətinin qiymətləndirilməsi qaydalarına dair təlimlər keçirilib
Şəmkir Rayon İcra Hakimiyyəti sturukturunda çalışan əməkdaşlar üçün dövlət qulluqçularının fəaliyyətinin qiymətləndirilməsi barədə təlimlər keçirilib.
RİH aparatının və İƏD üzrə nümayəndəliklərin əməkdaşlarından ibarət 60 iştirakçıya qiymətləndirmənin yeni qaydaları barədə məlumat verilib. Cari ildə yeni qaydalar əsasında qiymətləndirmənin aparılmalı olduğu diqqətə çatdırılıb. Həmçinin mövzu ilə əlaqədar hazırlanmış təqdimat iştirakçılara nümayiş olunub.
Qiymətləndirmə forması vasitəsilə nümunə üçün praktiki qiymətləndirilmə aparılıb, müvafiq tövsiyələr verilib.
Bildirilib ki, dövlət qulluqçusunun xidməti fəaliyyətinin qiymətləndirilməsi qiymətləndirmə forması əsasında aparılacaq. Qiymətləndirmə forması dövlət qulluqçusunun təqvim ili ərzində yerinə yetirməli olduğu tapşırıqlar (hədəflər) və qanunda göstərilən meyarlar habelə əmək intizamı nəzərə alınmaqla tərtib ediləcək. Tapşırıqların (hədəflərin) və meyarların mühümlük dərəcəsi bilavasitə rəhbər tərəfindən müəyyən ediləcək.
