Dağ Cəyir kənd sakinləri ilə səyyar qəbul-görüş keçirildi
16 iyun 2023 | 17:45
Şəmkir Rayon İcra Hakimiyyətinin başçısı Rəşad Tağıyev RİH əməkdaşlarının, xidmət sahələrinin rəhbərləri və kənd ictimaiyyətinin nümayəndələrinin iştirak etdiyi görüşdə Prezident cənab İlham Əliyevin rəhbərliyi ilə ölkəmizdə vətəndaşların rifahının yaxşılaşdırılması ilə bağlı aparılan islahatlardan, sosial-iqtisadi sahədə qazanılan uğurlardan danışdı.
Şəmkir rayonuna göstərilən xüsusi diqqət və qayğı, rayonumuzda aparılan tikinti-quruculuq işləri, əhalinin sosial problemlərinin həlli istiqamətində həyata keçirilən tədbirlər haqqında sakinlərimizə məlumat verən icra başçısı bildirdi ki, Prezident cənab İlham Əliyev tərəfindən həyata keçirilən bu tədbirlər və görülən işlər bundan sonra da davam etdiriləcək, vətəndaşlarımızı narahat edən ən kiçik problem belə diqqətdən kənarda qalmayacaq.
Daha sonra sakinlərlə kəndin ümumi problemləri müzakirə olundu.
Səyyar qəbulda sakinlərin səsləndirdikləri məsələlər məsul şəxslərin iştirakı ilə müvafiq qaydada araşdırılaraq həlli ilə bağlı tədbirlər müəyyənləşdirildi. Həlli vaxt tələb edən məsələlər icra başçısı tərəfindən nəzarətə götürülməklə aidiyyəti təşkilat rəhbərlərinə müvafiq tapşırıqlar verildi.
Sakinlərlə ümumi görüşdən sonra fərdi müraciət etmək istəyənlər qəbul edildi.
Keçidlər
