Bu gün Milli Qəhrəman İsgəndər Aznaurovun doğum günüdür
17 avqust 2024 | 11:10
Bu gün Milli Qəhrəman İsgəndər Aznaurovun doğum günüdür
Şəmkir rayonunun Kür qəsəbəsində rayon İcra Hakimiyyətinin əməkdaşlarının da iştirakı ilə Azərbaycanın Milli Qəhrəmanı İsgəndər Aznaurovun abidəsi ziyarət olunub, xatirəsi anılıb.
Ziyarət zamanı Azərbaycanın ərazi bütövlüyü və suverenliyi uğrunda həlak olan şəhidlərimizin xatirəsi yad edilib.
Milli Qəhrəmanın abidəsini ziyarət edən rayon rəsmiləri İsgəndər Aznaurovun həyat və döyüş yolu barədə danışıblar.
Qeyd olunub ki, 1993-cü ildə şəhid olan İsgəndər Aznaurova Ulu öndər Heydər Əliyevin fərmanı ilə Azərbaycanın Milli Qəhrəmanı fəxri adı verilib. Onun adına yaşayış məntəqəsi, küçə və məktəb var. Vaxtilə döyüşdüyü səngər bu gün “İsgəndər qalası” adlanır.
Bildirilib ki, İsgəndər Vətən sevgisindən Xocalı soyqırımdan sonra ürəyi dözməyərək 3 uşağını evdə qoyub döyüşə yollanır, artileriyada göstərdiyi şücaətə görə onu "Topçu İsgəndər" adlandırıblar.
Keçidlər
