Şəmkirdə daha bir gəncə vəzifə verildi
Şəmkirdə daha bir gəncə vəzifə verildi
2016-cı ilin “Gənclər Paytaxtı” seçilən Şəmkirdə gənclərin dövlət postlarına cəlb edilməsi işi davam etdirilir.
Bu gün daha bir gənc yeni vəzifəyə təyinat alıb. Bu Quliyev Rauf Rasim oğludur.
Rauf Quliyev 05 dekabr 1987-ci ildə Şəmkir şəhərində dünyaya gəlib. Azərbaycan Dövlət İqtisad Universitetinin İnformatika və idarəetmə fakültəsini bitirib. 2010/2012-ci illərdə həmin universitetdə magistr təhsili alıb.
Rauf Quliyev 2015-ci ildən 2017-ci ilə kimi Şəmkir Rayon İcra Hakimiyyəti başçısı Aparatında Sosial-iqtisadi inkişafın təhlili və proqnozlaşdırılması şöbəsində baş məsləhətçi vəzifəsində çalışıb. Ailəlidir, 1 övladı var.
Quliyev Rauf Rasim oğlu Şəmkir Rayon İcra Hakimiyyətinin başçısı cənab Alimpaşa Məmmədovun müvafiq əmrinə əsasən Şəmkir Rayon İcra Hakimiyyəti başçısı aparatında Sosial-iqtisadi inkişafın təhlili və proqnozlaşdırılması şöbəsinin müdirinin müavini təyin edilib.
Şəmkir Rayon İcra Hakimiyyətinin kollektivi və bütün şəmkirlilər adından Rauf Quliyevi təbrik edir, gələcək işlərində uğurlar arzulayırıq!
