Şəmkirdə “Vətən bağı” layihəsi çərçivəsində ağacəkmə aksiyası keçirildi
22 aprel 2022 | 16:00
“Qırmızı Ürəklər” (“Red Hearts”) Fondu birinci və ikinci Qarabağ müharibəsi zamanı şəhid olan qəhrəman oğullarımızın xatirəsini əbədiləşdirmək məqsədilə ölkənin bir sıra rayonlarında “Vətən Bağı” layihəsini həyata keçirməyə başlayıb. Layihə çərçivəsində hər rayonda, həmin rayonun şəhidlik zirvəsinə ucalan igidlərin sayına uyğun ağac əkilir.
Bu dəfə ağacəkmə layihəsi PAŞA Holdinq və Kapital Bank tərəfindən Şəmkir rayonunda həyata keçirildi.
Aksiya çərçivəsində Şəmkir şəhərində yerləşən Şəhidlər Xiyabanına 330 ədəd ağac əkilib.
Tədbirdə Şəmkir Rayon İcra Hakimiyyəti başçısının birinci müavini Süleyman Zeynallı, Kapital Bank-ın əməkdaşları, “Qırmızı Ürəklər” Fondunun üzvləri, rayon ictimaiyyətinin nümayəndələri və könüllülər iştirak ediblər.
Keçidlər
