Rəşad Tağıyev Şəhidlər Xiyabanını ziyarət etdi, şəhid ailəsinə baş çəkdi

Xəbər verdiyimiz kimi, bu gün Şəmkir Rayon İcra Hakimiyyətinin başçısı Rəşad Tağıyev Şiştəpə kəndində sakinləri qəbul edib.

İcra başçısı səyyar qəbuldan öncə kəndin Şəhidlər Xiyabanında olub, Aprel döyüşlərində vətənin azadlığı uğrunda qəhrəmanlıq göstərən kəşfiyyatçı zabitimiz polkovnik Vüqar Yusifovun, 1-ci Qarabağ müharibəsi şəhidləri Allahverdiyev Qalib İlyas oğlu və İbadullayev Elşən Müzəffər oğlunun məzarlarını ziyarət edib.

Rəşad Tağıyev yerli icra nümayəndəsi və aidiyyəti şəxslərə Şəhidlər Xiyabanının ərazisinin mütamadi diqqət mərkəzində saxlanılması, təzmizliyə xüsusi diqqət yetirilməsi barədə tapşırıqlar verib.

Eyni zamanda şəhid ailələri, qazilər və müharibə iştirakçılarına göstərilən diqqətin daha da artırılmasının vacibliyini vurğulayıb.

Şəhidlər xiyabanını ziyarətdən sonra Rəşad Tağıyev şəhid polkovnik Vüqar Yusifovun atası Nürəddin Yusifovun dəvəti ilə şəhidin evində olub.

İcra başçısı şəhid ailəsi ilə görüş zamanı onların qayğıları ilə maraqlanıb, arzu və istəklərini dinləyib.

Nürəddin Yusifov Prezident cənab İlham Əliyevin şəhid ailələri ilə bağlı tapşırıqlarının Şəmkir rayonunda yüksək səviyyədə icra olunduğuna görə şəhid ailələri adından Ali Baş Komandana təşəkkürünü bildirib.