İdmançımız Fatimə Həsənova Respublika ikincisi oldu- ATLETİKA
Fevralın 17-də Respublika Olimpiya Mərkəzində atletika üzrə 2005-ci və 2006-cı il təvəllüdlü idmançılar arasında Azərbaycan birinciliyi keçirilib.
Yarışda atletlər 60, 200, 400, 800 və 1500 metr məsafələrə qaçış, 4x200 metr məsafədə estafet qaçışı, uzunluğa, hündürlüyə və üçtəkanla tullanma, eləcə də nüvəitələmə yarışlarında qüvvələrini sınayırlar.
Ümumilikdə 140 idmançının qatıldığı çempionat iki gün davam edib.
Fevralın 18-də yekun vurulan yarışda Bakı ilə yanaşı, Abşeron, Gəncə, Şəmkir, Sumqayıt, Astara, Naftalan, Xızı, Siyəzən, Qusar, Xaçmaz, Qobustan, Mingəçevir, Balakən, Neftçala və Bərdədən olan atletlər də mübarizə aparacaqlar.
Çempionatda Şəmkiri rayon Gənclər və İdman İdarəsinin Uşaq Gənclər İdman Məktəbinin məşqçi müəllimi Namiq Həsənovun rəhbərliyi altında idmançılarımız təmsil ediblər.
İdmançılarımızdan UGİM idmançısı Həsənova Fatimə atletika üzrə 1500 metr məsafədə 2-ci yer tutub və gümüş medala sahib olub.
Şəmkir RİH kollektivi və şəmkirlilər adından idmançımızı təbrik edir və uğurlarının davamlı olmasını arzulayırıq.
