Şəmkirdə təmizlik aksiyası davam edir
Əziz Şəmkirlilər,
Bildiyiniz kimi, Şəmkir şəhərinin və ətraf ərazilərin, kənd və qəsəbələrin təmiz saxlanılması üçün mütamadi olaraq bütün yaşayış məntəqələrində, magistiral yolların kənarlarında daxili iməcliklər keçirilir, yeni ağaclar əkilir.
Bu işlərdə kommunal xidmət əməkdaşları ilə yanaşı sakinlərimiz, xüsusilə də könüllülər yaxından iştirak edirlər.
Hər bir şəmkirli üçün doğma olan rayonumuzda gözəlliklərin qorunmasında Sizlərin dəstəyi çox vacibdir.
Son dövrlər ətraf mühitin çirklənməsi, bəzi ekoloji problemlərin çoxalması hər kəsi narahat etməyə başlayıb. Əslində, hər şey insanın öz əlindədir. Olduğumuz, keçdiyimiz yerləri zibilləyən də, təmiz saxlayan da elə bizik.
Nəzərə almaq lazımdır ki, təmizliyə riayət edilməsi bizim özümüz üçün vacibdir və bilavasitə bizim özümüzdən asılıdır.
Əziz sakinlərimiz,
Xahiş edirik parklarda və küçələrdə işıqlandırma sistemlərinin qorunmasında, onlara kimlərinsə ziyan vurmasının qarşısının alınmasında, parkalarımızın, istirahət mərkəzlərimizin, küçə və xiyabanlarımızın, yol kənarlarının təmiz saxlanılmasında Sizlər də fəal olun!
Şəmkirimizin hər zaman təmiz görünməsi üçün sizlərin qayğıkeşliyinizə çox ehtiyacımız var.
.jpg)
