Şəmkir rayonunun Zəyəm Cırdaxan kəndində hesabat yığıncağı keçirildi.
29 yanvar 2015-ci il tarixdə Şəmkir rayon İcra Hakimiyyəti başçısı Alimpaşa Məmmədovun iştirakı ilə Zəyəm Cırdaxan kənd İnzibati Ərazi Dairəsi üzrə nümayəndəliyinin 2014–cü ilin yekununa dair hesabat yığıncağı keçirilmişdir.Hesabat yığıncağında rayonun hüquq-mühafizə orqanlarının, idarə, müəssisə,təşkilatların rəhbərləri və Zəyəm Cırdaxan kənd sakinləri iştirak etmişlər.Hesabat iclasını giriş nitqi ilə Şəmkir Rayon İcra Hakimiyyətinin başçısı cənab Alimpaşa Məmmədov açaraq cari ildə kəndin sosial-iqtisadi inkişafında görüləcək işlərdən və həyata keçiriləcək layihələrdən danışdı.. Həmçinin rayonun kəndlərində elektrik dirəklərinin və kabellərinin yenisi ilə əvəz olnması, kəndin içməli su problemini həll edilməsi haqqında sakinlərə geniş məlumat vermişdir.
Daha sonra Zəyəm Cırdaxan kənd inzibati ərazi dairəsi üzrə nümayəndə Faiq Hüseynov hesabat məruzəsi ilə çıxış etmişdir. Hesabat məruzəsi ətrafında geniş müzakirələr aparılmış, kənd sakinləri dinlənilmişdir.
Yekunda kənd sakinləri, ağsaqqallar, kənddə onlar üçün yaradılmış şəraitə görə bir daha öz minnətdarlıqlarını bildirmişlər.
