BÜTÜN İMTAHAN İŞTİRAKÇILARI TİBBİ MASKADA OLMALIDIR
Bu gün Şəmkir rayonunda ümumtəhsil məktəblərinin 11-ci sinif şagirdləri üçün yekun qiymətləndirmə imtahanı keçiriləcək.
Şəmkir şəhərində yerləşən Cahangir Rüstəmov, Əhməd Cavad, Məhəmməd Füzuli, Nəriman Nərimanov, Fərman Salmanov adına tam orta məktəblər və Sabirkənd kənd Söhrab Rüstəmov adına və Təzəkənd kənd Səməd Vurğun adına tam orta məktəblərdə keçiriləcək imtahanlar saat 11:00-da başlanır. İmtahanların başlanmasına 15 dəqiqə qalmış – saat 10:45-də buraxılış rejimi başa çatır. Bundan sonra gələn iştirakçılar imtahan binasına buraxılmır.
DİQQƏT!!!
İştirakçılar imtahana tibbi maska ilə gəlməli və onlardan düzgün (burun, ağız və çənə nahiyəsini tam örtməklə) istifadə etməlidirlər. Maskanı çıxarmaq qadağandır və bütün proses (buraxılış rejimi, imtahan müddəti, imtahan binasının tərk edilməsi) boyu istifadə olunmalıdır.
Əziz şagirdlər,
Şəmkir Rayon İcra Hakimiyyəti adından hər birinizə uğurlar arzulayırıq. Sizdən tək istəyimiz sağlamlığınız üçün imtahana daxil olarkən və imtahan binasından çıxarkən sosial məsafələri qoruyun. İmtahan bitən kimi ərazini tərk edin.
