FUTBOLÇULARIMIZ RESPUBLİKA ÇEMPİONATININ PLAY-OFF MƏRHƏLƏSİNDƏ
AFFA-nın təşkil etdiyi Azərbaycan Çempionatının Qərb zona birinciliyinə yekun vurulmuşdur.
Bu birincilikdə Şəmkir rayon Gənclər və İdman İdarəsinin Uşaq Gənclər İdman Məktəbinin futbol üzrə müxtəlif yaş qruplarında- U-10, U-12, U-13 (2 komanda) komandaları respublika çempionatının play-off mərhələsinə vəsiqə qazanmışdır.
Zona birinciliyində Şəmkir Gİİ UGİM-nin aşağıdakı idmançıları fərqlənmişdir:
U-10 qrupunda ən yaxşı qapıçı -Teymur Aslanov
U-12 qrupunda ən yaxşı hücumçu və oyunçu – Fərid Sadıqov
U-13 qrupunda ən yaxşı yarımmüdafiəçi- Bahadur Əliyev
U-13 qrupunda ən yaxşı qapçı- Dəniz Rəcəbov
Fərqlənən idmançılar diplom və futbol ləvazimatları ilə mükafatlandırılmışdır.
Xatırladaq ki, komandaların məşqçi-müəllimləri Əli Əhmədov, Rövşən Əmiraslanov, Namiq Sarıyev, Nemət Namazov, Anar Rzayev, Şöhrət Nəsibov və Seymur Məmmədovdur.
Yarışlarda qalib gələn idmançılarımızı və məşqçi-müəllim heyətini təbrik edirik, gələcək yarışlarında uğurlar arzulayırıq.
