Prezident Administrasiyasının məsul işçiləri Şəmkirdə vətəndaşları qəbul ediblər
.jpg)
Azərbaycan Respublikası Prezidentinin Administrasiyasının Ərazi-təşkilat məsələləri, Hüquq mühafizə orqanları ilə iş və hərbi məsələlər, İctimai-siyasi məsələlər, Humanitar siyasət məsələləri, Sənədlərlə və vətəndaşların müraciətləri ilə iş şöbələrinin məsul işçiləri tərəfindən Şəmkir rayonunda vətəndaşların qəbulu keçirilib.
Şəmkir Rayon İcra Hakimiyyətinin başçısı Alimpaşa Məmmədovun və rayonun idarə, müəssisə, təşkilat rəhbərlərinin də iştirak etdiyi qəbulda 34 nəfər rayon sakinin müraciəti dinlənilib.
Vətəndaşlar tərəfindən edilmiş müraciətlərin əksəriyyəti eliktrik dirəklərinin yenilənməsi, internet xətlərinin çəkilməsi, torpaq, maddi yardım və sosial məişət məsələlərinə dair olub.
Prezident İlham Əliyevin tapşırığına əsasən keçirilən görüşdə sakinlərin qaldırdıqları məsələlər diqqətlə dinlənilib.
Müraciətlərin bir hissəsi yerindəcə həllini tapıb, digər müraciətlərin operativ araşdırılması və qanunvericiliyə uyğun həlli üçün müvafiq tapşırıqlar verilib.
