ŞƏMKİR SAKİNLƏRİ: "PREZİDENTİMİZ BAYRAMIMIZA BAYRAM QATDI"

“Bu gün Cənab Prezidentimiz ailələrimizə sevinc, xoşbəxtlik və nur bəxş etdi. Bayramımnıza bayram əhvalı qatdı. Allah Prezidentimizi millətimizin üzərindən əskik etməsin. Bütün sakinlər adından Cənab Prezidentə təşəkkürümüzü çatdırırıq”.

Bu sözləri Şəmkir şəhər sakinləri 342 abonentin yaşadığı yeni yaşayı massivinə mavi yanacağın verilməsi münasibəti ilə keçirilən tədbirdə bildiriblər.

Tədbirdə Şəmkir Rayon İcra Hakimiyyətinin başçısı Alimpaşa Məmmədov, Şəmkir Regional Qaz İstismarı idarəsinin rəisi Xaliq Namazov, ağsaqqallar və sakinlər iştirak ediblər.

Alimpaşa Məmmədov tədbirdə çıxış edərək qeyd edib ki, hal-hazırda Azərbaycanın bütün bölgələrində olduğu kimi Şəmkir rayonunda da inkişaf yüksək səviyyədə gedir. Əhalinin həyat şəraitinin yüksəldilməsi üçün dövlətimiz tərəfindən xeyli işlər görülür. Bütün bunlar regionlarımızda dövlətimiz tərəfindən həyata keçirilən modern inkişaf və müasirləşmə imkanlarının sübutudur və əhaliyə dövlət qayğısının bariz nümunəsidir.

Çıxışının sonunda Alimpaşa Məmmədov Azərbaycan Respublikasının Prezidenti İlham Əliyev cənablarına diqqət və qayğıya görə rayon əhalisi və öz adından minnətdarlığını bildirib.

Yeni yaşayış massivinin sakinlər də kəndin yeni yaşayış massivinə təbii qaz xəttinin çəkilməsinə görə Cənab Prezident İlham Əliyevə, Birinci vitse-prezident Mehriban Əliyevaya minnətdarlıqlarını bildiriblər.

Daha sonra Alimpaşa Məmmədov və Xaliq Namazov təbii qazın verilişini əks etdirən rəmzi məşəli alovlandırıb.

Tədbirin sonunda rayon rəhbərliyi və qonaqlar sakinlərin evində təbii qazın yandırılması mərasimində iştirak ediblər.

Şəmkir sakinləri adından adından Cənab Prezident İlham Əliyevə minnətdarlıq edib: “Bu gün Cənab Prezidentimiz ailələrimizə sevinc, xoşbəxtlik və nur bəxş etdi. Bayramımnıza bayram əhvalı qatdı. Allah Prezidentimizi millətimizin üzərindən əskik etməsin”.