MEKSİKA SƏFİRİ ŞƏMKİRDƏ GÖRDÜKLƏRİNƏ HEYRAN OLDU
Xəbər verdiyimiz kimi, Meksikanın Azərbaycan Respublikasındakı Fövqəladə və Səlahiyyətli səfiri Xuan Rodrigo Labardini Şəmkir rayonuna səfər edib.
Səfərin məqsədi rayonla ilə tanışlıq, Meksika ilə Azərbaycanın sıx dostluq əlaqələrindən istifadə edərək Meksika şəhərləri ilə Şəmkir arasında sıx dostluq, qardaşlıq əlaqələrinin qurulması, qarşılıqlı münasibətlərin gücləndirilməsi olub.
Səfər çərçivəsində Xuan Rodrigo Labardin Şəmkir Rayon İcra Hakimiyyətinin başçısı Alimpaşa Məmmədovla görüşüb.
Daha sonra səfir Şəmkir rayonu ilə tanış olub.
Şəmkir Tarix Diyarşünaslıq muzeyi, alman Lüteran Kilsəsi, Şəmkir Aqroparkı, Şərq Ulduzu Şərab zavodu ilə tanış olan Xuan Rodrigo Labardin Şəmkirdə gördüklərindən heyran olduğunu və rayondan xoş təəssüratlarla ayrıldığını bildirib
