Şəmkirdə Əhməd Cavadın xatirə günü keçirilib
Azərbaycan Yazıçılar Birliyinin (AYB) təşəbbüsü, Şəmkir Rayon İcra Hakimiyyətinin dəstəyi ilə Şəmkirdə Əhməd Cavadın xatirəsinə həsr edilmiş ədəbi-bədii görüş təşkil olunub.
Şəmkir Rayon İcra Hakimiyyətinin başçısı Alimpaşa Məmmədovun da iştirak etdiyi tədbiri açan AYB-nin Mətbuat xidmətinin rəhbəri, “Şairlər günü” layihəsinin təsisçisi Xəyal Rza Əhməd Cavadın həyat və yaradıcılığından danışıb, şairin əsərlərinin bədii xüsusiyyətlərindən ətraflı bəhs etdi.
Tədbirdə çıxış edən Şəmkir Rayon İcra Hakimiyyətinin başçısı Alimpaşa Məmmədov tədbirin Əhməd Cavadın yaradıcılığına həsr edildiyinə görə məmnunluğunu ifadə edib.
Sonra çıxış edən tanınmış ədiblər və ziyalılar da Əhməd Cavadın şairin ədəbi-bədii irsini yüksək qiymətləndiriblər.
Tədbir musiqiçilərin ifasında görkəmli şairin həyat və yaradıcılığına həsr edilmiş ədəbi-bədii kompozisiyanın nümayişi ilə sona çatıb.
.jpg)
