Şəmkir rayon Məşğulluq Mərkəzinə yeni direktor təyin edilib

17 dekabr 2018 | 16:00

Belə ki, İsmayılov Namiq Qəzənfər oğlu Şəmkir Rayon Məşğulluq Mərkəzinin direktoru vəzifəsinə təyin olunub.

Bu gün Şəmkir Rayon İcra Hakimiyyətinin başçısı Alimpaşa Məmmədov Məşğulluq Mərkəzinin yeni direktoru Namiq İsmayılovla görüşüb.

Yeni təyinat münasibətilə Namiq İsmayılovu təbrik edən icra başçısı ona şərəfli və məsuliyyətli işində uğurlar arzulayıb.

Namiq İsmayılov da öz növbəsində Alimpaşa Məmmədova göstərilən diqqət və dəstəyə görə təşəkkürünü bildirib.

Qeyd edək ki, Namiq İsmayılov daha öncə 103 saylı dairə seçki komissiyasında böyük məsləhətçi vəzifəsində çalışıb.

ŞƏMKİR RAYON İCRA HAKİMİYYƏTİ VƏ BÜTÜN ŞƏMKİRLİLƏR ADINDAN BİZ DƏ NAMİQ İSMAYILOVU TƏBRİK EDİR, UĞURLAR ARZULAYIRIQ!

Keçidlər