"GƏNC TƏRBİYƏÇİLƏR BİRLİYİ"NİN ÜZVLƏRİ NAĞIL QƏHRƏMANLARI ROLUNDA
Bildiyiniz kimi, Şəmkir Rayon İcra Hakmiyyətinin təşəbbüsü ilə yaradılan "Gənc Tərbiyəçilər Birliyi" maraqlı layihələrlə rayonun müxtəlif körpələr evi-uşaq bağçalarında balaca fidanların sağlam böyüməsində, onların düzgün təhsil almasında yaxından iştirak edirlər.
Belə ki, birliyin üzvləri rayon ərazisindəki uşaq bağçalarında müxtəlif mövzulu seminarlar, təlimlər təşkil edirlər. Bu layihələrdən biri də Kukla Teatrıdır.
“Gənc Tərbiyəçilər birliyi”nin üzvləri bu günlərdə Mahmudlu kənd körpələr evi-uşaq bağçasında fidanlara xoş anlar yaşadıblar.
Uşaq bağçasında təhsil alan balacalar nağıl qəhrəmanlarını böyük maraqla izləyiblər.
"Gənc Tərbiyəçilər Birliyi" bundan sonra da bu tip səfərlər həyata keçirməyi və tamaşaların yenilənməsini planlaşdırır.
