ŞƏMKİR YAŞILLAŞIR
Son illər Şəmkirdə abadlıq, quruculuq işləri ilə yanaşı yaşıllaşdırmaya da xüsusi diqqət göstərilir.
İlboyu demək olar ki, Şəmkir şəhərinin bütün küçə və prospektlərində müxtəlif növ dekorativ ağaclar əkilir və onlara aqrotexniki qulluq edilir.
Bütün bu görülən işlər həm Şəmkirin gözəlliyinə, həm də sakinlərin rahat istirahətinə xidmət edir.
Bu günlərdə Şəmkir Rayon İcra Hakimiyyətinin təşəbbüsü, Şəmkir şəhər İcra nümayəndəliyi və Şəmkir Bələdiyyəsinin təşkilatçılığı ilə şəhərin Mübariz İbrahimov küçəsinə yüzə yaxın həmşəyaşıl ağac əkilib.
Görülən işlərdən məmnun qalan sakinlər də bu nəcib təşəbbüsə qoşulub ağacların becərilməsinə və suvarılmasına köməklik edəcəklərini bildiriblər.
İşin təşkilatçıları isə sakinlərin rahat istirahətini təmin etmək məqsədilə ağacəkmə aksiyaları bundan sonra da sürətlə davam etdiriləcəyini bildirib.
