”Mehriban münasibətiniz səfərimizə ayrı bir rəng qatdı"- Şəmkirə səfər edən məktəblilər
Ölkəmizi tanıyaq" layihəsi üzrə Kürdəmir, Saatlı, Sabirabad, Zaqatala, Balakən, Qax məktəbliləri Şəmkir rayonunda olublar.
Tur-aksiya iştirakçılarını Şəmkir Şəmkir Heydər Əliyev Mərkəzinin qarşısında rayon İcra Hakmiyyətinin başçısı Alimpaşa Məmmədov qarşılayıb.
Tur-aksiya iştirakçılarını salamlayan Alimpaşa Məmmədov əvvəlcə Şəmkir rayonu haqqında məktəblilərə məlumat verib, bu layihənin onların gələcək inkişafındakı əhəmiyyətindən danışıb.
Daha sonra İcra başçısı Alimpaşa Məmmədov tur-aksiya iştirakçıları ilə Şəmkir Tarix-Diyarşünaslıq muzeyinə gedib və məktəblilərlə səmimi görüş keçirib.
İcra başçısının səmimi görüşündən məmnun qalan məktəblilər Şəmkirdə olduqları üçün sevinclərini gizlətməyib:”Mehriban münasibətiniz səfərimizə ayrı bir rəng qatdı. Çox sağ olun ki, şagirdlərə bu qədər dəyər verirsiniz".
Onlar Alimpaşa Məmmədova təşəkkür edib, icra başçısı ilə tək-tək rəsm çəkdiriblər.
